Christian Gross
| Christian Gross | ||
| ||
| Personalia | ||
|---|---|---|
| Name | Christian Jürgen Gross | |
| Wänn uf d Wält choo | 14. Ouguscht 1954 | |
| Wo uf d Wält choo | Züri, Schwiiz | |
| Position | Mittelfäld | |
| Junioren | ||
| Johr | Station | |
| –1967 | SV Höngg | |
| 1967–1972 | Grasshopper Club Züri | |
| Herre | ||
| Johr | Station | Spil (Tor)1 |
| 1972–1976 | Grasshopper Club Züri | 63 (2) |
| 1976–1978 | Lausanne-Sports | 52 (8) |
| 1978–1980 | Neuchâtel Xamax | 50 (3) |
| 1980–1981 | VfL Bochum | 29 (4) |
| 1981–1985 | FC St. Galle | 109 (11) |
| 1985–1987 | FC Lugano | |
| 1987–1988 | Yverdon-Sport | (1) |
| Nationalmannschaft | ||
| Johr | Uuswahl | Spil (Tor) |
| 1978 | Schwyz | 1 (0) |
| Statione als Trainer | ||
| Johr | Station | |
| 1988–1993 | FC Wil | |
| 1993–1997 | Grasshopper Club Züri | |
| 1997–1998 | Tottenham Hotspur | |
| 1999–2009 | FC Basel | |
| 2009–2010 | VfB Stuttgart | |
| 2011–2012 | BSC Young Boys | |
| 2014–2017 | al-Ahli | |
| 2018–2019 | Zamalek SC | |
| 2019–2020 | al-Ahli | |
| 1 Aagää sind nur Ligaspiil. | ||
Dr Christian Jürgen Gross (* 14. Auguscht 1954 z Züri) isch e Schwizer Fuessballtrainer und e ehemolige Fuessballspiler.
Karriere als Spiler
[ändere | Quälltäxt bearbeite]Dr Gross, dr Sohn von emne Bolizischt, het sini Karriere bim Grasshopper-Club Züri aagfange, het dä Club aber 1975 vrloh. Nach drey Joor bi Lausanne-Sports und zweiz Saison im Dress vo Neuchâtel Xamax het dr Gross 1980 in die dütschi Fuessball-Bundesliga zum VfL Bochum gwäggslet. Während zwei Saison het dr Gross 29 Bundesliga-Spil beschtritte und drbi vier Goals gschosse. Är isch in d Schwiz zruggkehrt und het no je drey Joor füre FC St. Galle und dr FC Lugano gspilt. Dr Gross het ei Länderspil für d Schwiz absolviert.
Karriere als Trainer
[ändere | Quälltäxt bearbeite]1988 isch dr Gross zum FC Wil, wo är als Spilertrainer in dr vierhöggschte Spilklass, dr 2. Liga, gwirggt het. In sinere Amtszit (1988-1993) sind d Wiler mit em Gross in eim Zug über die 1. Liga in d Nationalliga B (hüt: Challenge League) ufgschtige.
Grasshopper Züri und Tottenham
[ändere | Quälltäxt bearbeite]1993 het dr Gross zum Grosshopper-Club Züri gwäggslet, wo är drmit zwei Meischtertitel (1995 und 1996) gholt het und d Qualifikation für d Champions League gschafft het. 1997 isch är Trainer von de Tottenham Hotspurs in London worde, isch aber wäge z wänig Erfolg entloh worde.
FC Basel
[ändere | Quälltäxt bearbeite]Dr Gross isch vom 1. Juli 1999 a bis zum Ände vo dr Saison 2008/09 Trainer vom FC Basel gsi, wo är in drey Joor zum erschte Meischertitel sit 1980 gfiehrt het. Vorhär het dr FC Basel unter em Gross dr Iizug in Final vom UI-Cup gschafft. 2002 und 2008 het sich dr Gross mit em FC Basel für d Champions League könne qualifiziere, 2004, 2005 und 2008 het dr FCB dr zweit, dr dritt und dr viert Meischtertitel unter em Gross gwunne. 2002, 2003, 2007 und 2008 het är mit em FCB dr Schwizer Cup gwunne.
Am 27. Mai 2009 het dr FC Basel bekannt gäh, dass dr Vertrag mit em Christian Gross per Ändi Saison ufglöst wird.
VFB Stuttgart
[ändere | Quälltäxt bearbeite]Afang Dezember isch er als neue Trainer bim VFB Stuttgart vorgstellt worde und isch sither ganz Erfolgriich gstartet unter anderem staht er mit em Club im Champions League Achtelfinal. Nach em ene schlächte Saisonstart i d Bundesliga-Saison 2010/2011 isch der Chrischtian Gross am 13. Oktober 2010 bi Stuttgart entlah worde.
BSC Young Boys
[ändere | Quälltäxt bearbeite]Am 8. mei 2011 isch uscho, dass der Christan Gross ab der Saison 2011/12 nöye Trainer bi YB wird. Am 29. April 2012 isch er wider entlaa worde.[7]
al-Ahli
[ändere | Quälltäxt bearbeite]Am 18. Juni 2014 het dr Gross verkündet, dass er bi bim saudi-arabische Verein al-Ahli e Zweijahresvertrag unterschribe hei.
Erfolg als Trainer
[ändere | Quälltäxt bearbeite]- Schwizer Meischter: 1995, 1996 (beidi mit em GC), 2002, 2004, 2005, 2008 (alli mit em FCB)
- Schwizer Cupsiiger: 2002, 2003, 2007, 2008 (alli mit em FCB)
- Champions-League-Qualifikation: 1995, 1996 (beid mit em GC), 2002, 2008 (beid mit em FCB)
- UI-Cup-Final: 2001 (mit em FCB)
Weblinks
[ändere | Quälltäxt bearbeite]
Commons: Christian Gross – Sammlig vo Multimediadateie